Basha heq Albana Vokshin si kryetare të Komisionit të Shëndetësisë

Partia Demokratike ka depozituar në Kuvend kërkesën për ndryshimin e kryetares së Komisionit të Shëndetësisë Albana Vokshit dhe disa sekretarëve të tjerë.

Mësohet se, bëhet fjalë për deputetët që janë mbështetës të lëvizjes së ish-kryeministrit Berisha, të cilët duan largimin e Lulzim Bashës nga posti i kreut të PD.

Kujtojmë se, më herët Albana Vokshi është shkarkuar edhe nga pozicioni i kryetares e Lidhjes Demokratike të Gruas së Shqipërisë. Të njëjtin “fat” si Vokshi kanë pasur edhe deputetë të tjerë apo funksionare të PD, si Edi Paloka që u shkarkua nga kreu i këshillit Kombëtar, apo Belind Këlliçi që u hoq nga posti i kreut të FRPD-së.