I pyetur nga Eni Vasili se si duhet t’i referohen pas pretendimeve të Sali Berishës se ai tanimë është vetëm një deputet i PD-së, Lulzim Basha është shprehur se mënyra si i drejtohen tregon shumëçka për këdo sipas mënyrës që zgjedh ta trajtojë këtë çështje, teksa ka theksuar se ai vijon të jetë kreu i Partisë Demokratike. Ai theksoi se është zgjedhur me një anëtar një votë nga mbi 80% e demokratëve që morën pjesë në zgjedhjet e brendshme të PD-së për kryetar të kësaj force politike, rreth katër muaj më parë.
“Atë e keni në dorë ju dhe kjo do të tregojë shumëçka për këdo për mënyrën sesi vendo t’i trajtojë këto ngjarje dhe pak rëndësi kanë konsekuensat e këtyre ngjarjeve. Unë jam kryetar i Partisë Demokratike i zgjedhur me një anëtar një votë nga mbi 80% e demokratëve që morën pjesë në një proces transparent me katër kandidatë afto 4 muaj përpara. Jam kryetar i opozitës, kam një betejë shumë të vështirë për të udhëhequr me demokratët, për demokratët dhe një betejë e clia nuk është vetëm e demokratëve por e të gjithë shqiptarëve.”
Lidhur me shkarkimin e tij në Kuvendin Kombëtar me 11 dhjetor, të thirrur nga Sali Berisha ai u shpreh se atë proces e konsideron si tubim që mund ta organizoj kushdo.
“Nuk ka patur Kuvend me 11 dhjetor, ka patur një tubim. Një tubim që mund ta thërriste kushdo. Mund ta thërriste edhe Tom Doshi dhe të ndërronte vulat e Partisë Demokratike. Të thoshte që këtu janë demokratë, nesër mund ta thërrasë Edi Rama dhe të thotë po bëj unë një Kuvend të Partisë Demokratike. Pasnesër mund ta thërrasi Ilir Meta, mund ta thërrasi Vangjush Dako.”
Basha është shprehur se pas 16 vitesh karrierë politike, tani ndihet më i çliruar se kurrë, duke iu referuar përjashtimit të Berishës, pas shpalljes “non grata” nga SHBA të këtij të fundit.
“Vendimi për përjashtimin e Berishës nga grupi i PD-së nuk është personal, por i kryetarit të PD-së. Me statutin e PD kryetarit i kërkohet të marrë vendime të tilla dhe mosmarja e një vendimi të tillë e ngarkon me përgjegjësi dhe atëherë do ishte shkelur statuti. Ne nuk jemi pakicë sepse vendos se me çfarë metri e mat. Shumica e demokratëve duan largimin e regjimit të Ramës. Unë ndihem i përligjur në vendimin që kam marrë, por ndihem më me shpresë në 16 vite karrierë në politikë. Unë ndjehem i çliruar nga barra e të kaluarës. Në momentin më kyç që 11 dhjetor, kolegët tuaj korespondentë nuk i lejoi të futeshin”, tha Basha.
Discussion about this post