Vijojnë përplasjet e forta në Kuvend mes Edi Ramës dhe Lulzim Bashës, ku nuk mungojnë as fyerjet dhe akuzat personale.
Teksa Basha përmendi emrat e disa oligarkëve, që sipas tij sjellin mallra kontrabandë në bashkëpunim me Ramën, kryeministri iu përgjigj duke e krahasuar me Sali Berishën, duke i thënë se është kopja e tij më e keqe.
Rama i përmendi Bashës shprehjet e tij për ringritjen e PD-së dhe tha se me përbaltje dhe me fyerje nuk mund ta sjellë partinë që drejton në pushtet.
Basha-Ramës
“Flisni për satelitë kur njerëzit nuk kanë bukë për të ngrenë sepse notoni në luks dhe pushtet. Ke harxhuar darka me sheikë e kriminelë, sesa duke takuar njerëzit. E keni shkatërruar reformën në drejtësi. I bëtë rezil ambasadorët duke thënë veproni, sa dalin ata nga dera kërcasin telefonat e 184 dhe i thonë mos veproni. Bëre sikur ndërtonve ngrehinën e drejtësisë. Ti je rreziku më i madh. Është në koma prej teje. Nuk merr vesh nga drejtësia, je injorancë totale. Ti thua është shpallur në kërkim. Arrestoje. Po ti je i dënuar. Ja ku është vendimi. Është në kërkim, merre dhe arrestoje. Zaganin e çove në kërkim, ia ule kokën edhe Obamës se e çove Tahirin në shtëpi të Bardhë. Do emra ti? Ti them unë. Të mori baca Çet. Saimir të mori për tunelin e Llogarisë. Tirana nuk e merr vesh nëse administratori Çet Kastrati”
Rama-Bashës:
E para njëherë të jemi të qartë dhe ta dinë të gjithë, ajo që ndodh me ju, mua jo vetëm nuk ma don, por më bën të ndihem keq, se është fundi i etikës, i një partie e cila gjithsesi ka bërë çka bërë, por deri këtu nuk kishte shkuar. Foltoren këtu nuk e solla unë, dhe ske për ta dëgjuar, nëse nuk do ta sjellësh ti, e qeshura që të del natyrshëm, të del me vështirësi këto kohë. Unë të kam pikë referimi, sa më mirë të jetë opozita, aq më mirë angazhohet pozita.
Foltoren e sjell ti këtu, se vjen i fundit, e dinë të gjithë pse se zgjohesh vonë, dhe nise me fjalë të ulëta që mund të nxjerrë njeriu. Ta thashë dhe po e përsëris, hiq dorë nga imitimi i atij që e quajte ustai, sa më shumë e imiton, aq më pak mund të kthehesh në normalitet.
Ai thoshte këtu, edhe studentët e mjekësisë, ti e kalove te ata të psikologjisë, ti vure diagnozë, edhe ai vinte diagnozë. Bëre një gjë edhe më të keqe, u rimorre me djalin tim, më tregon ti mua prindin, dhe këta të tjerët duartrokasin, e kupton sa keq ke rënë, se ke në 2013, do ngrihemi, është kambana, alarmi, me këto do bësh ti opozitën, nxjerr këtu fjalë që është turp për të gjithë ne këtu, që të mbushim televizionet me ato lloj fjalësh.
