Kreu i PD, Lulzim Basha ka thirrur në mbledhje grupin parlamentar pasditen e sotme në orën 16:00. Ditët e fundit, Basha ka intensifikuar mbledhjet në seli jo vetëm me grupin parlamentar, por dhe drejtuesit politik e kryetarët e degëve.
Mbledhja e ditës së shtunë kishte në fokus qëndrimin e opozitës në mbledhjet e Komisioneve Parlamentare, ku qeveria ka vendosur të zhvillohen online, ndërsa PD do të jetë në sallë fizikisht. Gjithashtu u diskutua edhe për Reformën Territoriale të vitit 2014, që opozita e konsideron një dështim.
Ndër të tjera, Basha i kërkoi deputetëve që të bëhen zëri i problemeve të qytetarëve, të intensifikojnë takimet me qytetarët dhe të denoncojnë çdo aferë të qeverisë, pushtetit vendor apo abuzim që bëhet ndaj qytetarëve.
Gjithashtu Basha kërkoi marrjen e informacioneve pranë prokurorive për ecurinë e hetimeve për masakrën zgjedhore të 25 prillit.
