Në një deklaratë për mediet pak minuta më parë, kryedemokrati Lulzim Basha ka hedhur akuza të forta ndaj ish-kryeministrit Sali Berisha. AI tha i prerë se koha e Berishës ka mbaruar dhe e akuzoi atë se po përdor forumet e partisë për të ecur përpara me planet e tij vetjake.
Basha shkoi edhe më tej, duke thënë se Berisha po ushqen dhe rrit regjimin e Ramës që ka kapluar vendin. “Koha e Sali Berishës ka mbaruar! Bashkë me të ka mbaruar edhe koha e mandateve të skaduara. Dhe përdorimi i forumeve të partisë për interesa personale. Asgjë dhe askush nuk do ta kthejë PD në një bunker për interesa personale. Berisha është kthyer në tubë oksigjeni për regjimin e Ramës”, tha ai.
Përplasjet mes Bashës dhe Berishës sa vijnë dhe bëhen më të ashpra, ndërsa vendimi i kryedemokratit për zgjedhje në FRPD ka shtuar një pikë tjetër debati. E.H/Gijotina.com/
Discussion about this post