Gjatë një takimi me demokratët e degës 4 në Tiranë, kreu i PD Lulzim Basha nuk i ka ndalur akuzat ndaj Sali Berishës, Edi Ramës dhe Ilir Metës, duke deklaruar se janë bërë bashkë për të shkatërruar PD.
Basha tha para demokratëve se nuk mund ta lërë Ilir Metën që me dorën e Berishës të marrë vota dhe t’i çojë te kryeministri Rama. Ai u shpreh se Berisha dhe Meta janë sot kundër Vettingut, ndërsa kërkoi që akuzat që kanë ndaj tij t’i çojnë në SPAK.
“Arsyeja e dytë madhore pse kjo ndodh është ky vazhdon të grijë sepse ka asgjësuar votën. Me votën e lirë të shqiptarëve të gjithë e dimë që 25 prilli do kishte qenë ndryshimi. Kur dolën listat e patronazhistëve u kuptua që çdo shtyllë ka rënë. Mund të rrimë të heshtur duke mos u future në betejë. Mund ta lëmë Ilir Metën që me dorën e Sali Berishës të marrë votën dhe t’i çojë prapë te Edi Rama. Të tjerat janë broçkulla. Shikoni si bëhen bashkë kur i cenohen interesat. Në vitin 2018 Berisha dhe Meta firmosë dhe sot janë kundër Vettingut. Unë u them merri akuzat ndaj meje dhe çojini në SPAK. Atje të bëhet Vettingu i politikanëve. I familjeve të çdokujt dhe familjeve të kujtdo. Duan të bëjnë shpifje. Të tre i bashkon frika ndaj të vërtetës”, tha Basha.
Kreu i PD foli për rritjen e çmimit të naftës duke theksuar se kjo do të reflektohet në çdo gjë duke rënduar edhe sipërmarrësit. Basha deklaroi se nëse PD do ishte në pushtet paratë e inceneratorëve do i përdorte për të ndihmuar këto biznese në mënyrë që mos largojnë punonjësit nga puna.
Discussion about this post