Kreu i opozitës, Lulzim Basha ka shprehur ngushëllimet për ndarjen nga jeta të aktorit të madh shkodran, Paulin Preka.
“Sot arti dhe artdashësit shqiptarë janë në zi për ndarjen nga jeta të aktorit të madh Paulin Preka.
Pinjolli i humorit shkodran do të mbetet pjesë e plejadës së aktorëve të shquar të teatrit dhe kinematografisë shqiptare.
Me humorin e tij ai i dha ngjyra zymtësisë së jetës së shqiptarëve në vitet e regjimit komunist.
U prehtë në paqe!”, mbyllet reagimi i kryetarit të PD, Lulzim Basha.
