Basha në takim me kongresmenët: Prioritet ndarja nga e shkuara

Lulzim Basha ka përforuar dhe njëherë qëndrimin e tij përballë paraardhësit Sali Berisha.Në takimin me delegacionin e Kongresit të Senatit Amerikan, Basha theksoi se nuk do të tërhiqet nga vendimi i përjashtimit të Sali Berishës nga Partia Demokratike.

“Pra, Partia Demokratike dhe unë nuk jemi dhe nuk mund të bëhemi avokatë personal të askujt, duke filluar nga unë i pari, por ne jemi dhe do të mbetemi avokatë për hallet dhe problemet e shqiptarëve për të cilat sot jam siguruar personalisht nga senatorja Ernst dhe nga anëtarët e Kongresit amerikan se kemi dhe do të kemi mbështetje të  plotë të Kongresit dhe të Senatit amerikan”.

Basha u shpreh se ky takim ishte një mundësi e jashtëzakonshme për të diskutuar prioritetet politike, që sipas tij konsistojnë në ndarjen nga e shkuara.

“Prania kaq e lartë e anëtarëve të kongresit të senatit amerikan, siç e thashë bipartizan dhe në veçanti me një shumicë dërmuese republikane, ishte një mundësi e jashtëzakonshme për të folur për prioritetet tona politike dhe prioriteti ynë politik është ndarja nga e shkuara, ndarja ka korrupsioni endemik që ka shkatërruar jetët e shqiptarëve”.

Lulzim Basha në fjalën e tij rikujtoi iniciativën e Partisë Demokratike për vetimin e politikanëve, duke argumentuar se drejtësia edhe pse pas pesë vitesh reformë nuk ka dhënë rezultat në pastrimin e politikës nga të korruptuarit.

“Ne do të mundësojmë atë deficit që çdo shqiptar e ndjen. Faktin që  deri më sot drejtësia, edhe pse  kanë kaluar 5 vjet nga reforma në drejtësi, nuk ka qenë në gjen. Faktin që  deri më sot drejtësia, edhe pse  kanë kaluar 5 vjet nga reforma në drejtësi, nuk ka qenë në gjendje të çojë përpara përgjegjësisë asnjë politikan të nivelit të lartë për korrupsion dhe asnjë bos të krimit të organizuar. Ndaj, vetting-u i politikanëve, si një iniciativë per ta bërë aktiv dhe për të hequr çdo alibi SPAK-ut, BKH-së, ishte në fokus të bisedës.”

Delegacioni i lartë i kongresit dhe senatit amerikan zhvilluan sot takime me kryeopozitarin Lulzim Basha dhe me kryeministrin Edi Rama, shoqëruar nga ambasadorja e SHBA, Yuri Kim.