Kryetari i Partisë Demokratike, Lulzim Basha tha në fjalën e tij pas mbledhjes së Kryesisë se, Kuvendi i vërtetë është ai i 18 dhjetorit. Ai u shpreh se në këtë Kuvend do të lihen pas mbeturinat e komunizmit dhe të korrupsionit. Ndërsa, Basha lajmëroi edhe thirrjen e Mbledhjes së Jashtëzakonshme të Këshillit Kombëtar nesër, në orën 15:00.
“1.Miratimi i një Rezolute lidhur me situatën e jashtëzakonshme të krijuar nga veprimtaria antistatutore që dëmtojnë rëndë interesat politike dhe elektorale të PD.
2. Miratimin e propozimit të Kryesisë për shkarkimin e Kryetarit të Këshillit Kombëtar dhe disa anëtarëve të Kryesisë për shkelje të rënda të Statutit të PD dhe vendimit të Kryesisë të datës 15 Nëntor.
Kryesia vendosi gjithashtu shkarkimin nga detyra të disa kryetarëve të degëve. Kryesia ngarkoi Sekretariatin ekzekutiv të ndjekë të gjithë hapat për të vënë para përgjegjësisë ligjore të gjithë personat përgjegjës për falsifikimin dhe shpërdorimin e simboleve të institucioneve të Partisë Demokratike. Sigurojmë çdo demokrat se të gjitha institucionet e Partisë Demokratike, duke nisur nga Këshilli Kombëtar, Kryesia dhe Kryetari vazhdojnë të jenë në krye të detyrës, në përmbushje të përgjegjësive dhe në shërbim demokratëve dhe gjithë shqiptarëve. Demokratët do të mblidhen në Kuvendin Kombëtar të thirrur nga Kryesia e Partisë më datën 18 dhjetor, ku do te diskutojnë dhe marrin vendimet të rëndësishme për të ardhmen e tyre, dhe jo për hallin personal të Sali Berishës” – u shpreh Basha, ndërsa mes të tjerash tha se më 18 dhjetor do të lërë pas mbeturinat e komunizmit për të shkuar drejt ndryshimit.
“Sigurojmë çdo demokrat se të gjitha institucionet e Partisë Demokratike, duke nisur nga Këshilli Kombëtar, Kryesia dhe Kryetari vazhdojnë të jenë në krye të detyrës, në përmbushje të përgjegjësive dhe në shërbim demokratëve dhe gjithë shqiptarëve. Demokratët do të mblidhen në Kuvendin Kombëtar të thirrur nga Kryesia e Partisë më datën 18 dhjetor, ku do te diskutojnë dhe marrin vendimet të rëndësishme për të ardhmen e tyre, dhe jo për hallin personal të Sali Berishës. Më 18 dhjetor, Partia Demokratike do të lërë pas pjesët e hidhura të së shkuarës së saj, bashkë me mbeturinat e komunizmit dhe të korrupsionit drejt ndryshimit që meriton çdo demokrat dhe shqiptar”, tha Basha.
Lulzim Basha u shfaq i vendosur për të ecur para, pavarësisht se ish-kryeministri Sali Berisha arriti ta shkarkonte me anë të Kuvendit Kombëtar të thirrur ditën e sotme ku ishin të pranishëm 4934 delegatë.
Discussion about this post