Ish-Sekretari i Përgjithshëm i PD, Arben Ristani, ka komentuar zhvillimet brenda PD, pas Kuvendit Kombëtar që miratoi statutin e ri dhe shkarkoi Lulzim Bashën. Sipas tij, Basha ka gënjyer kur në mbledhjen e mëparshme me delegatët ka thënë se u mblodhën të gjithë, pasi salla e Pallatit të Kongreseve nuk merr më shumë 2 mijë persona. Sipas Ristanin sot u mblodhën për herë të parë 5 mijë delegatë të PD-së .
“Për herë të parë janë mbledhur 5 mijë delegatë. Herët e kaluar është gënjyer, sepse salla e Pallatit të Kongreseve nuk merr më shumë se 2 mijë anëtarë, edhe pse thoshin që kaq janë brenda, të tjerët janë te lulishtja. Ka qenë hile djallëzore, pikërisht për të mos u mbledhur kurrë një Kuvend i këtyre përmasave. Ia dolëm. Jam i mbushur me atë që ka ndodhur sot aty. Ne morëm vendim për të shkarkuar Kryesinë, zotërinjtë ishin të zgjedhur jo me votim të fshehtë”, u shpreh ai.
Më tutje, Ristani tha se Komisioni i Përkohshëm do të jetë organi me fuqi më të madhe deri sa të zgjidhet kryetari i ri Partisë Demokratike. Sipas tij, ishte shumica që e shkarkoi Bashën dhe nuk ka më kthim pas. “U ndërtua një Komision Themelimi i përkohshëm, deri në përfundimin e zgjedhjeve për kryetar të PD. Ka kompetencat e Kryetarit dhe Kryesisë. Do të bëhet një referendum në datën 18 dhjetor. Shumica dërrmuese, afër shumicës absolute e shkarkuan Bashën. Vendimmarrja e Kuvendit është e tillë që tashmë organi i vetëm drejtues i PD është Komisioni i Rithemelimit. Procedurën e referendumit do ta organizojë ky Komision”, tha ai, ndërsa tregon se Komsioni do hyjë që nesër në seli.
Discussion about this post