Mes kritikave të tij për buxhetin e vitit 2022, kreu i PD Lulzim Basha ka akuzuar qeverinë se ka lënë në mëshirë të fatit fermerët dhe çdo gjë tjetër për naftë falas apo subvencione është propagandë. Basha deklaroi nga Kuvendi, se fermerët në vendin tonë çdo vit e më shumë po shkojnë drejtë falimentit për shkak se mungesa e tregut i detyron ata të flakin prodhimet e tyre.
Kryedemokrati akuzon qeverinë që, përveç se nuk i ndihmon financiarisht fermerët i dhunon ata, duke marrë këtu rastin e përplasjeve pak ditë më parë në Lushnje.
“Bujqësia, që jep gati 20% të prodhimit të brendshëm bruto, merr në këmbim mbështetjen më të ulët në krahasim me vendet e rajonit. Duke i bërë jo konkurruese produktet tona. Duke i shkatërruar fermerët tanë. Dhe ndërkohë që fermerët dhe blegtorët kërkojnë mbështetje serioze, përgjigjen e vetme keni dhunën policore për të shuar protestën e tyre të drejtë.
Edhe tani që flasim, fermerët janë në rrugë për të drejtat e tyre, për mbijetesën e tyre, për të marrë atë që kolegët e tyre në rajon e gëzojnë çdo ditë, nga qeveri që mbështesin bujqësinë, që u shpërblejnë mundin dhe sakrificën me të cilën kontribuojnë në ekonomi. Brenga, dëshpërimi dhe zemërata e tyre janë të përligjura, sepse ata detyrohen të flakin produktet e tyre, detyrohen të emigrojnë, të punojnë tokat e vendeve fqinjë, sepse paratë e taksave që ju shpërdoroni, nuk shkojnë për ta”, tha ai.
Kujtojmë se, pak ditë më parë në fermerët në Lushnje kanë dalë në protestë për të kundërshtuar ndryshimet fiskale që ka menduar qeveria, por atje kanë hasur pengesë nga efektivët e policës dhe pas disa minutash u përleshën me njëri tjetrin. E.H/ gijotina.com/
Discussion about this post