Kreu i Partisë Demokratike, Lulzim Basha ka nisur ndryshe ditën e sotme duke zgjedhur që të konsumojë kafen e mëngjesit me gazetarët që mbulojnë zhvillimet në selinë blu.
Ndërkohë që lideri demokrat ndodhet me gazetarët, mbështetësit e ish-kryeministrit Berisha mbërritën në PD, ku njësoj si dje i gjetën dyert e mbyllura.
Në pamundësi për tu futur brenda në seli, ata mbajtën një deklaratë jashtë dyerve të selisë, ku akuzuan sërish Bashën se e ka kthyer PD në një burg të sigurisë së lartë.
Ndërkohë, në godinën e selisë blu, janë bërë disa ndryshime. Në dritaret e katit të dytë janë vendosur banera të flamurit shqiptar dhe një baner tjetër gjigant ku shkruhet: “Partia Demokratike e Shqipërisë, zgjedhim të ardhmen!” Ky slogan u përdor edhe gjatë Kuvendit Kombëtar të 18 dhjetorit.
Discussion about this post