Lulzim Basha, u është përgjigjur sërish akuzave të Gazment Bardhit, i cili gjatë seancës së sotme plenare, tha se kreu i PD-së zyrtare, ka përfituar dy kate në një kullë shumë të shtrenjtë në Tiranë.
Basha i cilësoi shpifje akuzat e Bardhit, ndërsa për këtë të fundit tha se është avokat i babait të Shkëlzen Berishës, që deri e dje e sulmonte.
Më tej Basha theksoi se familjarët e tij kanë transparent çdo transaksion.
“Është një shpifje e pastër e shkollës berishiste, vjen nga një njeri që dje sulmonte babin e zenit dhe sot është bërë avokati i babait të zenit dhe aleancës së kullave. Familjarët e mi çdo transaksion e kanë transparent ndryshe nga aleanca e kullave dhe avokati tyre i ri Gaz Bardhi”, tha Basha.
I pyetur nëse do të kenë të njëjtin fat edhe ata që u rreshtuan krah Gazment Bardhit, ai u shpreh se deputetët do maten nga detyra që bëjnë.
“PD do veprojë si çdo parti, do i kërkojë deputetëve të bëjnë detyrën e vet dhe do të masë çdo deputet nga detyra që ka nga karshi demokratëve dhe qytetarëve”, tha Basha.
Discussion about this post