Ish-kryeministri, Sali Berisha, ka reaguar pas deklaratave të bëra nga kryetari i PD Lulzim Basha pas mbledhjes së Kryesisë, i cili paralajmëroi se nesër mblidhet Këshilli dhe do të ketë përjashtime. Përmes një postimi në rrjetin social Facebook, Berisha shprehet se Komisioni konsideron nul dhe nuk merr për bazë asnjë vendin të dhënë nga Lulzim Basha. Po ashtu, ai tha se nul konsiderohet edhe propozimi për shkarkimin e Palokës.
“Koha kur deputeti Basha mund të bënte pazar me fatet e Partisë Demokratike ka marrë fund. standartet amerikane. Kuvendi i sotshëm riafirmon vlerat euro atlantike të PD duke rikthyer në piedestal votën e lirë në të parin kuvend në historinë e Shqiperisë të thirrur nga anëtarësia.
Komisioni i Rithemelimit i mandatuar nga kuvendi konsideron nul dhe qesharake çdo dëshirë të deputetit Basha për të thirrur Këshillin Kombëtar, për të shkakuar drejtuesin e këtij Keshilli apo për të marre masa displinore ndaj përfaqësuesve te mijëra demokrateve që më votë të lirë dhe legjitime vendosen sot shkarkimin e tij”, shkruan ai.
Më tutje, Berisha shprehet po ashtu se Komisioni u bën thirrje të gjithë drejtuesve të PD që të lexojnë dhe respektojnë vullnetin e shumicës që shkarkoi kryetarin dhe jo të deputetit Basha që kërkon të shkarkojë shumicën për karrigen e tij.
Discussion about this post