Kreu i Partisë Demokratike Lulzim Basha ka replikuar në Kuvend me ministrin e Drejtësisë, Ulsi Manja, pasi ky i fundit sulmoi Bashën duke e pyetur nëse është në rregull me drejtësinë.
Nga ana tjetër, nuk munguan replikat e kreut demokrat, i cili e cilësoi si të pandëshkuar krimin zgjedhor në Dibër, ndërsa i kujton Manjës, Saimir Tahirin, duke i thënë se ditë do të vijë edhe dita e tij.
“Tani e kuptoj pse është e rëndësishme të mos i lejmë horrat që të festojnë një ditë kur misioni ndërkombëtar i hetimit largohet. Dibra është një krim i pagjykuar, ja kam thënë dhe ambasadorëve se e kam për detyre të takoj ministrin e drejtësisë. Dhe ai sot duhet të ishte minimalisht ne atë që e zbardhi BILD dhe e pa gjithë bota, ne burg. Por drejtësia vonon, kujtohu pak për ish-ministrin tënd të brendshëm, për momentin të duket vetja i përkëdhelur dhe i mbrojtur, por do të të vijë dita të japësh edhe ti llogari me pjesën tënde të bandës kriminale”, tha Basha.
Discussion about this post