Kreu i Partisë Demokratike Lulzim Basha ka bërë deklaratën e fortë ndaj atyre që ai i cilëson si dy brinjët e tjera të Bermudës, duke iu referuar Metës dhe Ramës, për të cilët shprehet se do të kenë të njëjtin fat me Berishën, pasi do të shpallen ‘non-grata’.
“Më 18 Dhjetor demokratët bashkohen. Me Sali Berishën po konkurrojnë me sukses dy brinjët e tjera të trekëndëshit e Bermudës për t’u shpallur non grata. Mesa di unë, edhe dy brinjët e tjera të trekëndëshit të Bermudës do të kene fatin e tij. Mbani mend ato billboardet me Sali Berishën dhe Ilir Metën? Sepse këta mbajnë njëri tjetrin,” u shpreh Basha.
Shpallja “non-grata” e Berishës për Bashën është fillimi, por jo fundi, teksa thekson se Meta-Berisha-Rama e kanë konkurrencën me njëri-tjetrin.
“Konkurrencën e kanë me njëri tjetrin. Ndoshta do ishte dikush tjetër përpara non grata. Jam i bindur që koha do jetë ilaçi më i mirë për dy brinjët e tjera. Deri tani në pole position non grata është Berisha. Ky është fillimi dhe jo fundi”, tha Basha.
Basha gjithashtu në fjalën e tij ka rikujtuar qëndrimin e SHBA ndaj Berishës dhe kërkesën e tij për të drejtuar sërish PD-në, ku u tha se kjo gjë do të shënonte fundin e kësaj force politike.
Discussion about this post