Basha për President? Ja si mendon Ervin Salianji

Në media ka filluar po qarkullon një informacion sipas të cilit Lulzim Basha, mund të jetë kandidat për postin e Presidentit të ri të vendit.

Zoti Basha nuk ka reaguar lidhur me lajmet ndërsa Partia Socialiste në anën tjetër ka nisur atë që quhet procesi i negociatave me deputetë dhe grupe parlamentare, për kandidatët e mundshëm.

Në deklaratat publike, depuetët socialistë janë shprehur se do të donin një figurë që qëndron mbi forcat politike, ose një President që mos e ketë mendjen te krijimi i partive.

Deputeti i Partisë Demokratik Ervin Salianji, në një reagim për Koha Jonë, thotë se  “lajmi që qarkullon gjërësisht në media prej ditësh dhe është lajm shqetësues për çdo opozitar në këtë vend!”

“Për ish drejtuesin e PD-së që ka marrë gjithçka nga demokratët ishte detyrim ta përgënjeshtronte menjëherë. Ky lajm përforcon perceptimin që gjithçka luhet për interesa personale të tij dhe për fat të keq përforcon perceptimin që luhet me sakrificën e demokratëve duke i shitur më pas tek Rama, siç për fat të keq janë “lëshuar” shumë kauza dhe janë hedhur tej shumë bashkëpunëtorë!

Politika konstruktive nuk është shitja e opozitës, por opozita e fortë, pa kompromise personale. Gjithçka për interes të qytetarëve është politikë konstruktive.

Natyrisht as që mendohet ta votoj!”, tha Salianji.