Një ditë pas takimit të parë për Reformën Territoriale, kreu i Partisë Demokratike, Lulzim Basha ka publikuar një video nga kjo mbledhje. Basha shkruan në Facebook se kjo reformë do t’ju japë njerëzve një qeverisje vendore më pranë tyre dhe vetëm në shërbim të tyre.
“Përmes nismës së Partisë Demokratike për të filluar punën për reformën e re territoriale në Kuvendin e Shqipërisë, ne kemi për detyrë t’iu japim njerëzve një qeverisje vendore më pranë tyre dhe vetëm në shërbim të tyre”, shkruan Basha në Facebook.
Ditën e djeshme, Basha tha se PD do t’i prijë këtij procesi, dhe duke dëgjuar zërin e qytetarëve në çdo skaj të vendit dhe në bashkëpunim me ekspertët më të mirë të fushës do hartojë një reformë që u shërben qytetarëve, jo partive.
Discussion about this post