Kreu demokrat Lulzim Basha ndodhet në Dibër ku po prezanton kandidatin e PD, Luan Hakën për zgjedhjet e pjesshme lokale të 6 marsit.
Gjatë fjalës së tij, Basha tha se Luan Haka është kandidati më i mirë për Dibrën, ndërsa shtoi se dibranët nuk bien pre e sajesave dhe marifeteve të reja duke i referuar përplasjeve me ish-kryeministrin Berisha.
“Vjen para jush si një njeri i sprovuar. Jam i bindur se me Luan Hakën, çdo dibran që ia do të mirën Dibrës voton Luan Hakën. Kudo ku po zhvillohen këto zgjedhje askush nuk po bie pre e marifeteve të reja dhe të vjetra. Dibranët nuk janë në shitje, as nuk gënjehen. Ka një PD, dhe do të jetë me votën e dibranëve kryetari i bashkisë së Dibrës më 6 mars. Ditë për ditë të vërteta po dalin në pah. Në këtë ditë të së vërtetës, nuk do ta ketë të lehtë edhe shkaktari i emigracionit masiv të të rinjve dibranë. Para 8 vitesh erdhi në pushtet me premtime të jashtëzakonshme, por sot është në histori kryetari i qeverisë më harbute”, tha Basha.
Ndërsa Haka, gatë fjalës së tij premtoi se do të jetë në shërbim të qytetarëve dibranë, ndërsa njëjtë si Basha tha se beteja e vetme që kanë është me Edi Ramën.
Discussion about this post