Deklaratat e bëra nga samiti i Prespës nuk janë pritur mirë nga kryedemokrati Lulzim Basha. Pasi ka ndjekur fjalimet e kryeministrave të vendeve të Ballkanit Perëndimor, Basha ka reaguar me një postim në rrjetin e tij social Twitter. Ai shkruan se autokratët e korruptuar të Ballkanit, duke nënkuptuar kryeministrin Edi Rama dhe atë të Maqedonisë se Veriut, Zoran Zaev, ia hedhin fajin Bashkimit Europian për dështimin në rrugën e integrimit.
“Ishte një kohë kur zyrtarët e BE-së si Reinhard Priebe folën për shkeljet e autokratëve të Ballkanit mbi Demokracinë dhe Sundimin e Ligjit dhe Kryeministrat e Ballkanit dhe kolegët e tyre u drodhën, reflektuan ose u larguan me votë. Duket se për momentin gjërat kanë ndryshuar. Autokratët e korruptuar të Ballkanit kanë guximin të hedhin fajin te BE për mungesën e përparimit, në vend të goditjeve të tyre të tmerrshme ndaj demokracisë dhe sundimit të ligjit. Të flasësh me zë të lartë dhe të veprosh kundër autokracisë është mënyra e vetme për të mbrojtur demokracinë dhe aspiratat e njerëzve në Ballkanit Perëndimor,”-shkruan Lulzim Basha.
