Gjatë fjalës në Kuvend, ndër të tjera, kreu demokrat Lulzim Basha ka denoncuar zhvendosjen e një shkolle në Durrës, në truallin e të cilës deklaroi se do të ndërtohet një qendër tregtare. Basha tha se me anë të kësaj qendre tregtare do të pastrohen paratë, duke përmendur këtu emrin e Ardian Çelës, i cili drejtoi dhe fushatën e Partisë Socialiste në Durrës. Kryedemokrati përmendi edhe emrin e Vangjush Dakos, ish-kryebashkiakut të Durrësit.
“Pse nuk hapen shkollat pse shtyhen? Sepse nuk ka shkolla sepse premtimi që shkollat do të ishingati këtë vit nuk u mbajt. Ku është shkolla Naim Frashëri në Durrës, do të ndërtohet më tej sepse do të grabitet trualli për të bërë qendër tregtare për të pastruar para, paratë e Çelajve, Dakove…,”- tha Basha.
Më herët, Basha akuzoi qeverinë “Rama” se ka mashtruar me numrin e vdekjeve dhe skemën e rimbursimit të ilaçeve për të sëmurët me Covid, ndërsa shtoi se kryeministri dilte nëpër media duke thënë gënjeshtra për shifrat, dhe duke iu mohuar ndihmën të infektuarve.
