Nga takimi me demokratët e degës 14, kreu i PD, Lulzim Basha nuk i kurseu akuzat kundër Metës dhe Berishës, kur tha se po bashkëpunojnë me njëri-tjetrin.
Basha ka hedhur akuza të forta se sulmi i Berishës ndaj PD ka qenë për ti’ dorëzuar partinë Ilir Metës, gjë që sipas tij u konfirmua me koalicionin për 6 mars.
“Këto ditë, e sotmja, e gjithë beteja, edhe sulmi, denigrimi që u është bërë demokratëve të ndershëm, si shumë prej jush në këtë sallë, drejtuesve, të gjithëve. S’po flas ndaj meje si kryetar i partisë, se vet zgjodha t’i vija gjoksin kësaj, pikërisht që mos të futej përçarja përmes demokratëve apo deputetëve, zonjave, anëtarëve të kryesisë. E gjitha kjo për çfarë paska qenë? Për t’i dorëzuar PD-në LSI-së dhe Ilir Metës?! Gjithë ajo skenë barbare atje e sulmit kundër shtëpisë së demokratëve, për çfarë paska qenë? Që shtëpia e lirisë të kthehet në shtëpinë e Ilirit?!”, tha Basha.
Më herët, kryedemokrati tha Meta, Berisha dhe Rama kanë vetëm një hall, ndërsa i cilësoi si mbetje të tranzicionit.
Discussion about this post