Ka përfunduar protesta e banorëve të Paskuqanit, ku bllokuan dhe rrugën kryesore. Ata paralajmërojnë një tjetër protestë që do të zhvillohet nesër përpara Kryeministrisë. Ka qenë njëri prej qytetarëve të kësaj zone që ka lajmëruar se nesër protesta kundër shembjes së rreth 100 banesave të tyre nga projekti i Unazës së Madhe do të mbahet nesër para Kryeministrisë, jo para Kuvendit siç deklaroi një qytetar tjetër.
“Nesër do jemi para kryeministrisë. Tani do largohemi. Ju falënderoj mediat”, u shpreh banori i Paskuqanit.
Banorët druhen se devijimi i projektit të Unazës së madhe mund t’i shembë banesat e tyre. Banorët të cilët rrezikojnë të ngelen mes 4 rrugëve, janë të shqetësuar dhe kërkojnë transparencë. Ata thonë se nuk kanë asnjë njoftim zyrtar por në rrugë jo zyrtare kanë mësuar se do u shemben banesat. Ata i kanë shkruar kryeministrit, ministrisë madje dhe ambasadës amerikane por të gjithë heshtin.
Discussion about this post