Kryedemokrati Lulzim Basha ka replikuar me ministrisë e Drejtësisë Ulsi Manja duke thënë se puna e Komisionit Hetimor për Inceneratorët tregoi para publikut aferën korruptive më të madhe të 30 viteve.
Nga foltorja e Kuvendit, Basha ka ritheksuar se është për të ardhur keq sesi personi që duhet të ishte para drejtësisë është sot mbi drejtësinë referuar dosjes 184 dhe implikimit të Manjës në këtë çështje.
“Që e gjithë kjo drejtësi po bëhet për drejtësi nuk ka dyshim, por parafolësi që foli për këtë duhet të ishte para drejtësisë për dosjen 174. Por askush nuk ka dyshim për vjedhjen më të madhe të ndodhur në 30 vite dhe këto fakte nuk janë denoncime të para dhe 7 viteve të opozitës por janë fakte të zbuluara nga komisioni hetimor parlamentar, që u bllokua nga Edi Rama dhe u zbllokua nga PD dhe nga aleatët tanë. Paradoksi i dikujt që duhet të ishte para drejtësisë dhe është mbi drejtësinë do të zgjasë dhe pak por qëndrimi ynë është i qartë”, është shprehur Basha.
Kreu i PD-së ndër të tjera ka thënë se SPAK në të gjithë këtë rrugëtim ka përkrahjen e opozitës dhe aleatëve të saj për ti shkuar deri në fund kësaj afere korruptive.
Discussion about this post