Kryedemokrati Lulzim Basha është shprehur se Kuvendi Kombëtar i PD-së, në 11 dhjetor thirrur nga paraardhësi i tij Sali Berisha ishte një dështim. Sipas tij me aq para që janë derdhur lumë duhej të mbushej e gjithë arena e stadiumit “Air Albania”.
“Tani pas 3 muajsh, pas gjithë parave që janë derdhur lumë për të paguar unë them se ishte dështim, aty duhet të ishte mbushur e gjithë arena dhe duhet të kishte edhe jashtë. S’ka gjë për të ndaluar Berisha ka ndaluar vetveten”, tha Basha.
Pyetjes për fatin e deputetëve të PD-së që u rreshtuan krahë Sali Berishës në 11 dhjetor, Basha i është përgjigjur se do të merret çdo hap i nevojshëm në kohën e duhur. Sipas tij këto qëndrime janë të dokumentuara, por megjithatë u shpreh se ata e kanë humbur busullën përkohësisht.
“Do marrim të gjitha hapat e nevojshme në kohën e duhur. Kur Kuliçi kërcënon 5 herë një deputet për të mos shkuar në Kuvendin e 18 dhjetorit, këto akte janë të dokumentuara, prandaj ne do vendosim të ndajmë shapin nga sheqeri, kush janë njerëz që kanë humbur busullën përkohësisht, kush i bashkohet një personi non grata…”, tha Basha.
Discussion about this post