Me anë të një postimi në facebook, Ambasada e SHBA-së ka shpërndarë foto nga takimi që pati ambasadorja Yuri Kim me drejtuesit e Komisionit Parlamentar për Punët e Jashtme, kryetaren Mimi Kodheli dhe zëvendëskryetarin Tomor Alizoti.
Ambasada bën me dije se është diskutuar për forcimin e bashkëpunimit midis Shteteve të Bashkuara dhe Shqipërisë në fushat e demokracisë, mbrojtjes dhe biznesit.
Ambasadorja Kim përsëriti gjithashtu mbështetjen e SHBA për përpjekjet e Shqipërisë për anëtarësim në Bashkimin Europian, duke theksuar deklaratat e fundit të Sekretarit Blinken, ku ai bën thirrje për hapjen e negociatave sa më shpejt të jetë e mundur. Ajo përsëriti gjithashtu mbështetjen e SHBA për përpjekjet e Shqipërisë për anëtarësim në Bashkimin Europian, duke theksuar deklaratat e fundit të Sekretarit Blinken, ku ai bën thirrje për hapjen e negociatave sa më shpejt të jetë e mundur.
Në takim është rënë dakord që, qoftë në Tiranë apo Uashington, rëndësia e partneritetit midis Shteteve të Bashkuara dhe Shqipërisë i tejkalon politikat partiake.
