Ish-drejtori i policisë së Vlorës, Jaeld Çela, ka dërguar ditën e sotme në Gjykatën e Lartë një rekurs, ku kërkon ndryshimin e vendimit për arrest. Ai nuk pranon vendimin e dhënë ndaj tij 2 muaj më parë, ku dënua me 3.4 vite burg dhe po kryen dënimin në Fier, sëbashku me Saimir Tahirin.
“Komunikohet në mënyrë të përmbledhur se, sot më datë 21.04.2022, në Gjykatën e Posaçme të Apelit për Korrupsionin dhe Krimin e Organizuar, u depozitua dhe u regjistrua rekursi nr. 74, datë 21.04.2022, paraqitur nga i pandehuri J.Ç., ndaj vendimit nr. 03, datë 04.02.2022 të Gjykatës së Posaçme të Apelit për Korrupsionin dhe Krimin e Organizuar, me të cilin u deklaruan fajtorë të pandehurit S.T. dhe J.Ç. për veprat penale të parashikuara nga nenet 283/a/1, 28/4, 333/a/2 dhe 334/1 të Kodit Penal”, thuhet në njoftimin e gjykatës.
Në nëntor 2017 prokuroria e akuzoi Çelën se në bashkëpunim me Ministrin Tahiri ndihmonin bandën e Habilajve për të trafikuar drogë. Prokurorë të çështjes asokohe ishin Besim Hajdarmataj, Elisabeta Imeraj dhe Gentian Osmani. Në deklaratën e tij Çela thekson se është i pafajshëm teksa këmbëngul se nuk i njeh anëtarët e bandës së Habilajve. Ai shprehet se në dosjet e çështjes emri i tij nuk përmendet në asnjë përgjim apo komunikim mes të dyshuarve
.Ndaj tij u ngritën akuzat për shpërdorim detyre, trafik droge, aktivitet dhe përfshirje në grup të strukturuar kriminal, por Gjykata e Shkallës së Parë e Krimeve të Rënda e dënoi me 3 vite e 4 muaj burg vetëm për shpërdorim detyre. Asaj kohe ai u arratis dhe i vetëdorëzua në fund të 2020. Ndërsa tashmë është vendosur që të kryej dënimin sëbashku me Saimir Tahirin.
Discussion about this post