Bashkëshortja e legjendës së Tiranës, Selman Stërmasi , Nezihat Stërmasi feston sot 101 vjetorin e lindjes. Nezihat Stërmasi gëzon shëndet të plotë dhe jeton me simbolet e Tiranës, si dhe me emocionet e këtij ekipi.
Ishte vetëm 14-vjeçe kur u njoh me legjendën e futbollit shqiptar Selman Stërmasin, i cili në atë kohë ishte në kulmin e tij pasi ishte kampion absolut i Shqipërisë me Tiranën në futboll, por dhe në atletikë.
Ai ishte futbollist, trajner dhe në fund president i skuadrës së Tiranës dhe cilësohet si një nga lojtarët më të mëdhenj të të gjitha kohërave dhe një nga trajnerët më të famshëm që i bëri bardheblutë e kryeqytetit të korrnin shumë fitore.
Ndërsa stadiumi ku luan Tirana sot mban emrin “Selman Stërmasi”, në nder të kontributit të madh që legjenda e futbollit dha për klubin e tyre./K.T/Gijotina.com
