Mbetjeve urbane në Patos të Fierit, që kanë pushtuar fshatin Zarës prej ditësh, iu është vënë flaka. Kjo fushë mbetet një nga më problematiket në zonë, pasi herë pas herë bëhet vend për grumbullimin e mbetjeve të ndryshe duke rrezikuar puset e naftës që janë pranë.
Kryetari i Shoqatës Mjedisore Zarës ka thënë për mediat se punimet janë pa rezultat, por bën thirrje të veprohet si me plehrat e Patosit që u izoluan me dhe.
“Banorët e fshatit Zarës e kanë përjetuar keq, pasi kanë qenë pushtuar nga tymi. Këto punime që bëhen i shikoj pa rezultat dhe e i bëj thirrjet Bashkisë Patos të veprojë siç u veprua me plehrat e Fierit, këtu vetëm izolim me dhe se me zjarrfikëse është e pamundur. Apeli im është që të veprohet siç u bë me fushën e plehrave në Fier me izolim me dhe se rrugë tjetër nuk ka”, shprehet ai.
Një skemë e ngjashme për djegien e mbeturinave u ndoq dhe në Durrës, Shijak e Kavajë ku djegia e tyre ka shkaktuar një krim të madh mjedisor duke kërcënuar shëndetin e banorëve.
