Banorët e zonës së Laprakës kanë dalë sot në protestë kundër projektit të zgjatimit të Unazës Re, ku është projektuar që të shemben rreth 700 banesa në zonë.
Në një deklaratë për mediat Banorët pretendojnë se projekti favorizon njerëz të pushtetshëm pranë qeverisë, ndërsa ka edhe selektivitet për shembjen e banesave.
Ndër të tjera ata shprehen se bashkia i mashtroi sepse kur morën certifikatat e legalizimit iu premtua që këto banesa nuk prishen. Prandaj paralajmërojnë përshkallëzim të protestave.
“Kur morëm legalizimet na thanë që banesat nuk prishen, i kemi ndërtuar me djersë”, u shpreh një banor.
Një nga banorët shprehet se ka 30 vite që banon aty dhe ka derdhur djersë dhe teksa i drejtihet kryeministrit qën të anulojë projektin thotë se nga aty do të dalë vetëm me gjak. Një tjetër banore e zonës tha askush nuk i ka sqaruar për prishjen e objketeve dhe se ato nuk kanë qene pjesë e objektit fillestar.
“Kanë ardhur disa persona që kanë marrë banorë të cilët kanë letra, këta që skanë nuk i pyet kush nga keni ardhur dhe pa asnjë diksutim.
Unë që po flas jam në proces legalizimi dhe kam 30 vite këtu, ku do të cosh 40 veta të familjeve të mia o zoti kryeministër, kur ke ardh në 2013 me pretendimin me bo legalizime falas, me leke kam bërë aplikimin dhe askush ska ardhur për të më marrë në pyetje.
Unë shtëpinë e kam bërë me djersë dhe ta harrojë Edi Rama që do të më nxjerrë pa derdh gjak. Shpronësimi të bëhet me cmimin e tregut, kam aplikuar që në 2006 dhe Kadastra kanë ardh kanë matur shtëpitë dhe më morën numrin e nuk i kam parë me me sy.E kam faturën në shtëpi, ky projekt është miratuar tani shumë vonë“-u shpreh një nga banorët.
“Jemi taksapagues të rregullt, kemi ndërtuar shtëpitë para shumë vitesh, nuk jemi njoftuar asoak në rrugë ligjore, ne kërkojmë transparencë që të marrim masa dhe shteti të na kompensojë. Unë e kam të legalizuar dhe ARDH ka ardh ka bërë matjet dhe na thanë që nga mesi i tetorit do vijmë prapë tu njoftojmë.
Zyrtarisht nuk ka asnjë njoftim”-u shpreh një tjetër.
Kanë qenë të shumta protestat nga banorët për projektin në “Unazën e Madhe”. Pak ditë më parë u ngritën kundër edhe banorët në Astir, ata thanë se bashkia kishte filluar t’iu prish shtëpitë pa i lajmëruar, madje pretenduan se projekti është në shkelje pasi nuk është konsultuar me ta si grup interesi.
E.H /gijiotina.com/
