Banorët e zonës 5 Maji, ato të Laprakës dhe Paskuqanit, janë mbledhur sërish në protestë para selisë së Kuvendit të Shqipërisë, pak minuta përpara nisjes së seancës parlamentare.
Me pankarta në duar, banorët kërkojnë transparencë lidhur me projektet që i shpronësojnë ata dhe i hapin rrugën procesit të rindërtimit të shumëkatësheve apo projekteve që lidhen me infrastrukturën.
“Bashkia po na vjedh haptazi, akt marrëveshje është vjedhje e pastër”, tha një nga banorët.
Të vijë Flamur Noka, Spiropali, Ahmetaj, të gjithë këtu. Mos na detyroni të bëhemi kriminela, unë e di që ju kriminelllëkun e keni qef, nuk reagoni”, tha një tjetër banor.
Kriza më e fundit e dëbimeve nga pushteti vendor u shkaktua dje në Paskuqan, ku dhjetëra familjeve u shkuan fadromat në dyert e shtëpive pa paralajmërim ndërkohë që ato prisnin legalizimin e banesave.
Discussion about this post