Bashkimi Evropian ka prezantuar një strategji të re për të forcuar mbrojtjen e saj, e cila do të jetë plotësisht funksionale deri në fund të dekadës.
Një komponent kyç është “Nisma Evropiane e Mbrojtjes nga Dronët”, e krijuar për të zbuluar, ndjekur dhe neutralizuar dronët e paligjshëm pas shkeljeve të shumta të hapësirës ajrore në Evropë.
Paralelisht, “Vrojtimi i Krahut Lindor” synon të fortifikojë kufirin lindor në tokë, det dhe ajër kundër çdo sulmi të mundshëm.
Shefja e politikës së jashtme të BE-së, Kaja Kallas, ka dekl;aruar se “Gjatë viteve të ardhshme, duhet të ketë një ndërtim të madh të aftësive mbrojtëse evropiane. Rusia nuk ka kapacitet të sulmojë BE-në sot, por rreziku nuk do të zhduket.” ka thënë Kallas, në nisje të një takimi të ministrave të Jashtëm të Bashkimit Evropian në Luksemburg.
Kryediplomatja i ka bërë thirrje bllokut evropian “të jetë më kreativ” në luftimin e “flotës së fshehtë ruse”, përmes së cilës iu shmanget sanksioneve ndërkombëtare të lidhura me luftën në Ukrainë.
Ajo ka thënë se Rusia është bërë shumë kreative në shmangien e sanksioneve, andaj i ka kërkuar Bashkimit Evropian që të jetë më i vëmendshëm. BE-ja ka arritur shumë përparim në kufizimin e të hyrave të Moskës përmes sanksioneve, mirëpo që duhet bërë më shumë.
Sipas një dokumenti të përgatitur për takimin e së hënës, flota e fshehtë besohet se përbëhet nga 600 deri në 1.400 tanke ruse që shesin naftë.
Ekspertët që e këshillojnë Kallasin kanë thënë se anijet me naftë, jo vetëm që i kontribuojnë ekonomisë ruse të luftës, por krijojnë edhe rreziqe masive për ambientin dhe sigurinë detare.
Sipas tyre, aksidentet në të cilat do të mund të përfshiheshin këto anije do të shkaktonin rrjedhje nafte dhe ndotje tjera shtesë nëpër zona detare, çka më pas do të kishte efekte shkatërruese në ekosistem dhe peshktari.
Ndërkohë Këshilli i BE ka ndaluar e importin e gazit rus, një vendim që Hungaria dhe Sllovakia e refuzojnë.
Discussion about this post