Batuta e ish-studentit vë në siklet Berishën: Ti nuk vije 10 kurrë, po Lulzim Bashën nga e gjete?

Ish-kryeministri Sali Berisha po zhvillon këtë të enjte një takim me intelektualë në qytetin e Elbasanit. I pranishëm në takim ishte dhe ish-studenti i Berishës në Universitetin e Mjekësisë, mjeku onkolog Artan Çomo. Mjeku Çomo me ironi i përmendi ish-kryeministrit ish-kreun e PD-së, Lulzim Basha për të cilin e pyeti “nga e gjete”.
“Profesor, ju në shkollë keni qenë i rreptë, nuk të vinit 10 kurrë. Po Lul Bashën nga e gjete që i vure 10. Unë çfarë kisha për Lul Bashën ia kam thënë Luçianos në vitin 2015, nuk e di i ka pëlqyer si ka pëlqyer, por çfarë kam pas ia kam thënë, se e shikoja që nuk kishim gjë në terezi. Duhet një solidaritet përmes intelektualve pasi është një situatë e rrezikshme. Shumë njerëz nuk e shohin të ardhmen këtu”, tha mjeku.