Vendim politik e ka cilësuar Lefter Maliqi vendimin e Kolegjit Zgjedhor për Bashkinë e Kuçovës, që i dha kandidatin Kreshnik Hajdarit, mbështetur nga Partia Socialiste.
Maliqi tha se kutitë që u rinumuruan treguan qartazi atë që kishte ndodhur në 14 maj, patë se mungonin procesverbalet, mungonin votat, kishte parregullsi të tmerrshme, por siç duket nuk mjaftojnë për të bindur Kolegjin.
Maliqi tha se me këtë vendim u tregua se Bashkinë e fitoi krimi, korrupsioni dhe anti-ligji.
“Tashmë ajo që mund të them është që kryebashkiakët e PS mund të largohen ose duke i kapur me presh në dorë ose me presh në gojë, se rrugë tjetër s’ka. Ndaj o popull mundohuni ti kapni deputetët, ministrat dhe kryebashkiakët me presh në dorë ose gojë, që ti largoni”, tha Maliqi.
Ai theksoi se do të vazhdojë betejën deri në fund për ti kthyer Bashkinë e Kuçovës qytetarëve, edhe pse u legjitimua një mandat i vjedhur, i provuar edhe nga filmimet, edhe nga parregullsitë, edhe duke lejuar votimin familjar, edhe pse ligji nuk e lejon.
Reagimi i kandidatit të Bashkë Fitojmë për Bashkinë e Kuçovës, Lefter Maliqi, erdhi pasi Kolegji Zgjedhor çertifikoi fitoren e kandidatit të PS-së, pas rinumërimit të 17 kutive të votimit.
Discussion about this post