Bayern Munich ka marrë edhe fitoren e dytë në Bundesliga, teksa ka mposhtur Augsburgun me rezultat 3-1.
Bayern e nisi duke dominuar ndeshjen, teksa për të parë golin e parë në këtë duel u desh të pritej minuta e 32-të.
Leroy Sane u fut bukur në zonë dhe goditi, teksa nga topi i kthyer Uduokhai e dërgoi topin gabimisht në rrjetën e tij duke i dhënë epërsinë bavarezëve 1-0.
Vetëm tetë minuta më vonë bavarezët ngritën epërsinë në 2-0, kur Harrye Kane realizoi nga penalltia.
Dominimi i vendasve vazhdoi edhe në pjesën e dytë, teksa kur kaluan 69 minuta lojë shënuan edhe golin e tretë.
Një asistim fantastik nga Alhonso Davies bëri që Harry Kane ta dërgonte topin në rrjetë për 3-0.
Ajo çfarë bën mysafirët ishte një gol i nderit në fund të ndeshjes me autor Bejlon.
Bavarezët vazhdojnë të qëndrojnë në krye të tabelës me gjashtë pikë, kurse Augsburgu ka vetëm një pikë pas dy ndeshjeve.
Discussion about this post