Bayern, ide inovative për të ndërtuar ekipin për sezonin e ri

Sezoni i sapo përfunduar, do të mbahet mënd si një nga më negativët, në historinë e Bayernit, të paktën në dekadën e fundit.

Fitimi i titullit kampion në Bundesliga, falë ‘ndihmës’ që Mainz i dha bavarezëve, duke barazuar me BVB Dortmund, nuk ka mjaftuar për të rikthyer buzëqeshjen te tifozët si dhe te drejtuesit e klubit, të cilët shkarkuan dy fajtorët, Oliver Kahn, nga posti i CEO dhe Hasan Salihamidzic, nga detyra e drejtorit sportiv.

Dje, drejtuesit e Bayern Munchen u takuan me Thomas Tuchel për të bërë një bilanc të sezonit dhe për merkaton e ardhshme.

Një merkato që do të duhet të menaxhohet pas largimit të drejtorit sportiv Hasan Salihamidzic.

Kampioni i Gjermanisë ende nuk e ka gjetur zëvendësuesin e tij. Bild gjithashtu njofton se Thomas Tuchel do të zëvendësojë Salihamidzic këtë verë në menaxhim nëse shefat e tij nuk gjejnë një drejtor të ri sportiv.

Një mision i njohur mirë për Tuchel, i cili kishte organizuar merkaton e kaluar të Chelseat përpara se të shkarkohej.