Bavarezët në pjesën e parë nuk e kishin aspak të lehtë, dhe duhej të prisnin minutën e 30’ për të zhbllokuar rezultatin e sfidës falë golit të Goretzka, që shfrytëzoi më së miri asistin e veteranit Muller, duke i mbyllur shifrat e pjesës së parë në 1-0.
Fillimi i pjesës së dytë e gjeti trajneri Nagelsmann duke e rifreskuar mesfushën me Gnabry, Musiala dhe Tolisso, lëvizje kjo që rriti rendimentin bavaraz në fushë, duke kulmuar me golin e Lewandowskit në minutën e 75’ falë asistit të Sane.
Minutat shtesë do të tentonin të bënin ndryshimin në lojë, me Haberer që tund rrjetën e Neuer në muntën e 92’ ne një gol mjaft të kontestueshëm, në dukje të parë si offside, por flamuri i anësorit qëndroi i ulur, duke i dërguar shifrat finale në 2-1.
Trajneri Nagelsmann nuk ishte aspak dakort me këtë rezultat, ku i drejtohet kryesorit të takimit me xhestin e tregimit të orës, por protestat e tij u kaluan vetëm me një këshillim.
Pas përfundimit të këtij takimit, pozicionet e dy skuadrave në renditje qëndrojnë të pandryshuara, me Bayern në vendin e parë me 28 pikë dhe Freibur në të tretin me 22 pikë.
Discussion about this post