Bayern Mynih duket se ka pësuar goditje të rëndë psikologjike me humbjen në Ligën e Kampioneve përballë Manchester Cityt, pasi ekipi bavarez është ndalur edhe në kampionat.
Skuadra e Tuchel ka befasuar teksa është ndalur në shtëpi në një barazim 1-1 përballë Hofenhajm, duke mos arritur të shkëputej në renditjen e Bundesligës. Edhe pse gjeti shpejt golin me Pavard në pjesën e parë, rrjeta e Kramariç në fraksionin e dytë të lojës vulosi rezultatin përfundimtar 1-1.
Por Borussia Dortmund nuk ia doli të përfitonte për t’i rrëmbyer kreun, pasi u ndal edhe vetë në një barazim të papritur në transfertë ndaj Shtutgartit në mënyrë dramatike. Edhe pse mbylli pjesën e parë me avantazhin e dy golave dhe në epërsi numerike për shkak të një kartoni të kuq të Mavropanos te vendasit, ajo u arrit në pjesën e dytë nga Kulibali dhe Vagnoman. Reina në minutën e 93-të i dha përsëri avantazhin Dortmundit, por Silas në minutën e 97, barazoi shifrat për rezultatin përfundimtar 3-3.
Rezultatet:
Bayern Mynih-Hofenhajm 1-1
Koeln-Mainz 1-1
Leipzig-Augsburg 3-2
Shtutgart-Dortmund 3-3
Discussion about this post