Pas ndeshjes për fazën e grupeve të Champions League të cilën Bayern e fitoi me rezultatin 0-3, gjermanët do të përballen sërish me Barcelonën.
Këtë herë përballja midis tyre nuk do të jetë për tre pikë, por për një lojtar. Të dyja këto klube janë të interesuara për talentin 21-vjeçar të Ajax, Antony Matheus dos Santos.
Anësori i djathtë ishte një nga figurat në debutimin e Champions League kundër Sporting me dy asistime.
Ndërkohë në Amsterdam po shpresojnë që të sigurojnë të paktën 40 milionë euro nga kartoni i talentit, i cili sezonin e kaluar shënoi 10 gola dhe dha 10 asistime.
Antony shihet si zëvendësues i denjë i Kingsley Coman te bavarezët pasi lojtari i kampionëve të Gjermanisë qëndron jashtë fushës së blertë për shkak të problemeve fizike, ndaj këta duan që ta kenë pjesë të tyre 21-vjeçarin.
Ndërsa te Barcelona e shohin si mundësi zëvendësimi të Dembele, rinovimi i kontratës të së cilit është duke hasur në pengesa./K.T/Gijotina.com
