Bayern ka filluar që në këto momente të afrojë lojtarët e rinj për sezonin 2023-24, me klubin që pavarësisht suksesit në Bundesliga, kërkon të harrojë sa më parë këtë vit, i cili ishte shumë i vështirë për disa arsye, nga largimi në mënyrë ‘jo etike’ i Nagelsmann deri te eliminimet pa shumë histori nga Kupa e Gjermanisë dhe UEFA Champions League.
Rinovimi fillon duke marrë jo vetëm emra të afirmuar por edhe lojtarë që pritet që të kenë potencial për t’u përmirësuar. Njëri nga këta është një futbollist që ka bërë mirë me skuadrën e tij, Augsburg si dhe është dalluar në kombëtaret e moshave të vendit të tij.
Fjala është për futbollistin kosovar, Dion Berisha.
Berisha do të luajë për ekipin e dytë të Bayern i Mynihut sezonin e ardhshëm.
Futbollisti ballkanas, të enjten është prezantuar me fanellën e klubit gjerman.
Ai ka kaluar te Bayern Munich nga ekipi i dytë i rivalëve të rekordmenëve gjermanë, brenda landit të Bavarisë, FC Augsburg.
Sulmuesi i krahut për Kosovën U-21 ka shënuar një gol në 3 ndeshje prej vitit 2021.
20-vjeçari ka luajtur edhe për grupmoshat U17 dhe U16 të Kosovës.
Ai llogaritet si një nga talentet më të mëdha që ka Kosova në grupin e shpresave.
Discussion about this post