Reality Show-t në Shqipëri duket se nuk kanë më të njëtën besueshmëri nga publiku, kjo për shkak të aludimeve se produksioni ndikon në ecurinë e personazheve.Së fundmi, Big Brother Vip është vënë nën shigjetimin e ndjekësve të cilët mendojnë se ky format Vip ecën sipas një skenari të caktuar, e madje kanë evitur dhe disa momente me të cilat argumentojnë qëndrimin e tyre.
Në një video që vetë Big Brother e ka publikuar në rrjetet sociale, shihet Monika që i bën shenja Ilirit dhe i thotë:
“Gjërat bëhen edhe pa folur. Ka forma të ndryshme për t’u bërë”.
Teksa thotë këto fjalë, ajo mban para fytyrës një gotë në mënyrë që të evitojë kamerën, por kjo ka ngjallur reagime të shumta tek ndjekësit në koment.
“Na e shpifët me kode dhe mbrëmë për dhomën e rrëfimit i nxorrët të gjitha që flisni me produksionin. S’na shpëton gjë. Luani pisët shumë”, shkruan një ndjekës.
Komunikimet e produksionit me banorët në dhomën e rrëfimit janë cilësuar si komandim i lojës nga vet produksioni.Por aludimet kanë shkuar dhe më tej pasi disa ndjekës theksojnë se kur dalin nga dhoma e rrëfimit, banorët pëshpërisin ose flasin me kode. Monika ka akuzuar shpesh herë produksionin se mban me hatër Donaldin, e madje dhe vet moderatoren e emisionit Arbana Osmanin, se nuk do të lejonte daljen nga shpia të Kledit. Akuza ka hedhur edhe Arditi, duke thënë se Donaldin i fshihen komentet negative nga vetë produksioni.
Ish-konkurrenti i BB2, Elton Tozaj akuzoi se fituesi është përcaktuar dhe ajo është Arjola Demiri.
Discussion about this post