Pas thirrjes së Vuçiç, ka reaguar zëdhënësi i BE-së, Peter Stano, duke përgjigjur Presidentit serb në lidhje me burgosjen e Ivan Todosijeviçit nga Gjykata e Kosovës, pasi ky i fundit mohoi masakrën e Reçakut.
Vuçiç i bëri thirrje BE-së ditën e sotme që të marrë masa kundër Kosovës, pasi sipas tij, ata po shkelin marrëveshjen që nënshkruan në Bruksel në vitin 2013. Stano me anë të deklaratës është shprehur se marrëveshja nuk u respektua.
“Marrëveshja është arritur që Gjykata e Apelit në Prishtinë të caktojë një panel të përbërë nga gjyqtarë kryesisht serbë në rastin e gjykimeve brenda komunave me shumicë serbe. Në këtë rast nuk u respektua”, – është shprehur Stano.
Pas vendimit për burgosjen e Todosijeviçit, i cili mohoi masakrën e Reçakut duke e quajtur trillim, Vuçiç i bëri thirrje BE-së që të marrë masa dhe të detyrojnë shqiptarët e Kosovës mos të shkelin marrëveshjen për lirinë e fjalës që nënshkruan me dëshirën e tyre në vitin 2013 në Bruksel.
