Komisioni Evropian ka publikuar së fundmi një grafik të vendeve të BE, i cili tregon se sa më e lartë të jetë shkalla e vaksinimit, aq më e ulët është ajo e vdekjeve nga Covid-19. “Personat që janë vaksinuar plotësisht kanë më pak gjasa që të vdesin nga Covid-19 sesa ata që nuk janë vaksinuar”, thuhet në grafik. Ndërsa tregon se vendet që kanë vaksinim të ulët po përballen me numër të lart sa i përket vdekjeve nga covid-19.
Vendet me shkallën më të lartë të vdekjeve përfshijnë Bullgarinë, Sllovakinë dhe Rumaninë. Pjesa më e madhe e Evropës Perëndimore ndodhet tashmë në izolim ose po shkon drejt tij, ndërsa spitalet po përpiqen të frenojnë kolapsin nga vala e katërt.
Të dhënat në fjalë janë përgatitur nga Qendra Evropiane për Parandalimin e Sëmundjeve dhe Kontrollit. Ato janë konsideruar të sakta edhe nga OBSH, kreu i së cilës, Tedros Adhanom Ghebreyesus shkruan se situata po përkeqsohet. “Provat janë të qarta se popullatat e pa =vaksinuara janë në rrezik më të lartë të infektimit me Covid-19 dhe vdekjes prej tij. Fundi i vitit është afër dhe shumë vende nuk janë në rrugën e duhur për të vaksinuar 40% të popullatës së tyre. Ne kemi nevojë për veprim tani, për të shpëtuar jetë”, përcakton grafiku, ndërsa kërkon që të ndihmohen vendet e varfra të bëjnë më shumë vaksinime.
Discussion about this post