Propozime të shumta janë hedhur në lidhje me marrjen e dozës së tretë të vaksinës. Një nga propozimet e fundit është që lloji i vaksinës për dozën e tretë të jetë ndryshe nga dy të parat, pra të bëhet një kombinim vaksinash.
Në lidhje me këtë teori ka pasur edhe kundërshtime, ku disa thonë se do të krijonte efekte anësore nëse bëhet kombinim vaksinash, por për mjekun Ilir Alimehmeti thotë kjo do të ishte një zgjedhje e mirë. Sipas tij, kombinimi do të rriste mbrojtjen nga virusi, edhe për ata qytetarë që 2 dozat e para kanë marrë një tjetër vaksinë. Alimehmeti thotë se nga pikëpamja shëndetësore nuk paraqitet asnjë problem, për ata qytetarë që 2 dozat e para të vaksinës nuk i përkasin kompanisë Pfizer.
Epidemilogu bën apel që çdo qytetar të mos hezitojë të kryejë dozën e tretë të vaksinës, pasi tashmë ekzistojnë të dhëna serioze se vaksina ul vdekshmërinë. Pas ditë më parë deputetët e Komisionit parlamentar të Punës, Çështjeve Sociale dhe Shëndetësisë bënë me dije se do të kërkojnë zyrtarisht që doza e tretë e vaksinës për Covid-19 të jetë Pfizer. Ky rekomandim do të vijë si një kërkesë e përbashkët mes deputetëve të maxhorancës dhe opozitës.
Discussion about this post