Riorganizim të administrimit të fondeve të BE-së për bujqësinë. Është ky reagimi i Kryeministrit Edi Rama pasi Komisioni Europian vendosi të pezullojë fondet për programin IPARD, pas një hetimi që nxorri në dritë abuzimet nga ana e institucioneve shqiptare lidhur me shpërndarjen e fondeve, që duhej ti akordoheshin fermerëve, por që në fakt kanë përfunduar në personazhe sa të veshur me pushtet politik ashtu edhe të ashtëquajtur oligarkë.
Në konferencën e përbashkët me homologun kroat, Edi Rama tha se i kanë kërkuar mbështetje për procesin e negociatave, turizmin e sigurinë kibernetike.
“Kemi kërkuar mbështetje direkte për procesin e negociatave dhe duam të përfitojmë sa më shumë mbështetje për turizmin, sigurinë kibernetike, ndihmën aktive në funksion të punësimit, si edhe për të trajtuar në mënyrë specifike raste, siç është rasti që ne kemi aktualisht lidhur me disa korrektime që do bëjmë në fushën e administrimit të fondeve të BE për bujqësinë, se një raste të ngjashëm ka pasur edhe Kroacia dhe na intereson të mësojmë për adresimin struktural që ka bërë qeveria e Kroacia”, tha Rama.
Discussion about this post