Komisioni Evropian ka ndërprerë rimbursimet për fondet e BE për bujqësinë në Shqipëri.
Mbi këtë çështje ka folur edheb kryetari i sindikatës së fermerëve Eduard Sharka. Ky i fundit tha se ky është një lajm i keq për bujqësinë por edhe për vendin tonë.
Ndërkohë Sharka shtoi se ministrja e Bujqësisë Frida Krifca, e cila ka mbajtur për 4 vite postin e drejtoreshës së AZHBR, duhet të jap dorëheqjen pas këtij skandali të madh.
“Lajm i keq për bujqësinë dhe vendin në përgjithësi. Ishim në dijeni të hetimit të kryer nga OLAF. Është një realitet që e kishim denoncuar. Fondet e IPARD i jep për të rritur standardin e produkteve tona, për te ruajtur konsumatorin tonë. Nuk mundej që këto fonde të shpërdoroheshin. AZHBR duhet të gjente mekanizmat dhe duhej të dergoheshin këto fonde aty ku ishte e nevojshme. Është një masë shumë e rëndë për bujqësinë, por një vendim i drejtë.
Për investime fantazmë nuk kam identifikuar por raste ku këto investime ishin jo efektive po. Ka raste që janë marrë investime nga BE dhe ata që i kanë marrë i kanë dhënë me qera. Përgjegjësi mban AZHBR, ministrja e Bujqësisë që ka qenë drejtoreshë e AZHBR, që ka menaxhuar këto fonde, dorëheqja do të ishte më e pakta pas këtij skandali të madh.
Discussion about this post