Këngëtarja e njohur Beatrix Ramosaj ka reaguar pas shumë komentesh mbi dy këngët e saj të fundit të cilat u përfolën që ishin dedikim për aktorin e humorit Donald Veshaj. Bëhet fjalë për këngët e titulluara “Ma shumë se ti” dhe “Vonë” që menjëherë pas publikimit u lidhën me historinë e tyre.
Në një video-live në rrjetet sociale, ajo u shfaq së bashku me Fifin, ku për herë të parë foli në lidhje me këngët e saj. Gjatë sqarimit të saj, u lexuan edhe disa komente nga ndjekësit, të cilëve këngëtarja nuk ngurroi t’iu përgjigjet. Ajo sqaroi se dy këngët e publikuara kanë qenë të shkruara më parë duke hedhur poshtë të gjitha aludimet.
“Meqë më erdhi rasti, këto dy këngët e fundit që janë publikuar kanë qenë këngë të shkruar më para. Kështu që s’kam pse të jap shpjegime, shpjegimet po i jepni vetë ju. Nëse do të jetë aty që e kam shkruar tekstin unë, atëherë flasim bashkë. Kështu që mjaft folët budallallëqe. Nuk është emri im aty, nuk do të thotë që po ia deikoj dikujt.”
Fifi gjithashtu konfirmon atë që po thoshte Beatrix, ndërkohë lexoi edhe komentet e ndjekësve ku njëri prej tyre thoshte se ajo po gënjen.
“S’kam punë tjetër të gënjej, më kanë mbaruar të gjitha punët.”
Beatrix e ka pranuar më parë se i ka dedikuar një këngë Donaldi, e cila mban titullin “Faj”. Në tekstin e këngës këngëtarja rrëfen paragjykimet që ka marrë. Ajo thekson se njerëzit e kanë bërë me faj çiftin pa e ditur se çfarë ata përjetojnë. Romanca e tyre përfundoi sapo dy të rinjt dolën nga “Big Brother VIP”. Donaldi iu rikthye lidhjes së më parshme me moderatoren Bora Zemani.
Discussion about this post