Gazetarja e kronikës Klodiana Lala ka rrëfyer detaje të tjera për sulmin kibernetik, shënjestër e të cilit ishte vendi ynë.
E ftuar në programin “Open”, ajo deklaroi se hakerat kanë marrë të dhëna nga sistemi MEMEX, i cili përmban të dhëna për persona të inkriminuar.
“Kanë marrë të dhëna nga sistemi MEMEX, ky sistem përmban të dhëna për persona të inkriminuar. Aty janë të gjitha të dhënat, biografia e personave të inkriminuar. Imagjino çfarë ndodh nëse zhduken këto sisteme. Në e-malin e parë që unë kam hapur ka qenë ai që fliste për Talo Çelon, RENEA ka bërë dhjetëra operacione për kapjen e tij, por rezultonte që Drejtori i Policisë informohej se ky njeri ishte parë të qarkullonte lidhëm në Tiranë. Madje ishte takuar me Ervin Matën. E-maili i dytë tregonte për planin për të ekzekutuar kryeministrin e Kosovës, ky u konfirmua dhe nga Kosova. Fakti që ky zbulim u konfirmua, më bën të dyshoj se edhe e-mailet e tjera janë të vërteta.” tha Lala.
Discussion about this post