Sportisti çeçen Zelimkhan Abakarov mori medalje ari duke përfaqësuar Shqipërinë në Kampionatin Botëror të mundjes.
Me ngjitjen e flamurit kombëtar në stadin më të lartë, ai do të marrë sipas ligjit dhe shpërblimin financiar nga shteti ynë. Mësohet se i riu përfiton 100 milionë lekë të vjetër. Shpërblim gjithashtu i takon edhe trajnerit Leonard Çamkashi, teksa ligji parashikon 40% të shumës së sportistit, pra 40 milionë lekë të vjetër.
Ndërkohë, shpërblimet e tjera për rezultatet në Botërorë të sportistëve vijojnë: 60 milionë për vendin e dytë, 40 milionë për vendin e tretë, 20 milionë për të katërtin, 10 milionë për të pestin, 8 milionë për të gjashtin, 6 milionë për të shtatin dhe 4 milionë për vendin e tetë.
Discussion about this post