Ditën e djeshme Presidenti i Republikës, Sh.T.Z. Bajram Begaj, ka nisur zyrtarisht punën si kreu i shtetit shqiptar. Ndërkohë ditën e sotme ai ka hedhur firmën e parë si president. Pas administrimit të propozimeve të Kryeministrit dhe shqyrtimit të tyre, ka dekretuar shkarkimin e z. Arben Ahmetaj nga detyra si Zëvendëskryeministër dhe ministër i Shtetit për Rindërtimin dhe Programin e Reformave.
Presidenti i Republikës, ka pranuar propozimin duke dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë. Kujtojmë se Begaj u zgjodh president vetëm me votat e mazhorancës mes shumë akuzash dhe kritikash nga opozita.
Discussion about this post